Rhagarweiniad

Dechreuodd Achub y Plant weithio yng Nghymru yn y 1920au, yn helpu teuluoedd mewn ardaloedd glofaol tlawd. Yn y 1930au sefydlon ni ysgol feithrin cyntaf Cymru, ym Merthyr Tudful. Erbyn hyn mae ein gwaith yn canolbwyntio ar fynd i'r afael â thlodi plant.

Mae gan Gymru rai o'r lefelau gwaethaf o dlodi plant yn y byd diwydiannol. Mae mwy na 160,000 o blant - o leiaf un o bob pedwar - yn byw mewn tlodi ac mae bron i un o bob deg yn byw mewn tlodi difrifol. Mae hynny'n warth o ystyried bod Prydain yn un o bedair gwlad fwyaf cyfoethog y byd.

Gall plant tlawd ddisgwyl llai o gymwysterau, swyddi sy'n talu'n is, mwy o broblemau iechyd a bywydau byrrach na phlant eraill. Felly rydyn ni'n gweithio yng Nghymru, fel yng ngweddill y byd, i sicrhau bod plant a phobl ifanc yn cael y dyfodol maen nhw'n eu haeddu.

Dyma'n blaenoriaethau allweddol yng Nghymru:

  • rhoi terfyn ar dlodi plant
  • gwella addysg
  • mynd i'r afael â chamwahaniaethu
  • sicrhau bod lleisiau plant yn cael eu clywed

Rydyn ni hefyd yn cynnull Grwp Monitro Confensiwn y Cenhedloedd Unedig ar Hawliau'r Plentyn yng Nghymru, cynghrair genedlaethol o asiantaethau syn monitro ac yn hyrwyddo gweithredu'r Confensiwn yn llawn.

Yn 2006 cyhoeddodd y Grwp adroddiad ar gynnydd ar hawliau plant: Cywiro'r Cam: Realiti hawliau plant yng Nghymru. Nawr mae'r Grwp yn gweithio ar Adroddiad Amgen Cymru i'w gyflwyno i Bwyllgor y Cenhedloedd Unedig ym mis Hydref 2007.

Rydyn ni'n credu bod gan blant a phobl ifanc yr hawl i gyfranogi yn holl agweddau cymdeithas, felly mae plant yn chwarae rhan yn ein gwaith ymchwil, polisi ac ymgyrchu yng Nghymru.
 
Mae ein gwaith yng Nghymru yn cael ei gefnogi gan rwydwaith o gefnogwyr corfforaethol, pobl sy'n codi arian, gwirfoddolwyr mewn siopau, a siaradwyr.

Confensiwn y Cenhedloedd Unedig ar Hawliau’r Plentyn yng Nghymru

Rydyn ni hefyd yn cynnull Grwp Monitro Confensiwn y Cenhedloedd Unedig ar Hawliau'r Plentyn yng Nghymru, cynghrair genedlaethol o asiantaethau sy'n monitro ac yn hyrwyddo gweithredu'r Confensiwn yn llawn.

Yn 2006 cyhoeddodd y Grwp adroddiad ar gynnydd hawliau plant, Cywiro'r cam: realiti hawliau plant yng Nghymru (PDF 497KB).  

Lansiodd Achub y Plant a Grwp Monitro Confensiwn y Cenhedloedd Unedig ar Hawliau’r Plentyn adroddiad amgen Cyrff Anllywodraethol Cymru, Aros, edrych, gwrando: sut mae gwireddu hawliau plant  yng Nghymru (PDF 1.4MB) a fersiwn cryno o'r adroddiad ar gyfer pobl ifanc ar 20fed Tachwedd  2007 sef Diwrnod Rhyngwladol Hawliau Plant. 

Cyflwynir yr adroddiadau hyn i Bwyllgor y Cenhedloedd Unedig ar Hawliau'r Plentyn ym mis Mawrth 2008 fel rhan o broses a.

Beth ydym yn ei wneud

Straeon newyddion o Gymru

Friday 21 November 2008 Elusennau Cymru yn lansio apêl ar y cyd i helpu’r sefyllfa yn y Congo
Mae apêl yn galw ar bobl Cymru i roi cymorth i’r bobl sydd wedi eu dal yn yr argyfwng yng Ngweriniaeth Ddemocrataidd y Congo wedi ei lansio yn Neuadd Dewi Sant, Caerdydd.
Tuesday 21 October 2008 Y dywysoges Anne yn ymweld â siop Achub Y Plant yng Nghaerdydd
Yn ddiweddar fel ymwelodd y Dywysoges Anne â siop elusen Achub y Plant yn Albany Rd i ddiolch i’r gwirfoddolwyr am eu gwaith diflino.
Thursday 18 September 2008 Gwefan newydd i helpu plant sy’n byw mewn tlodi
Mae gwefan newydd arloesol i helpu cynghorau i godi plant uwchlaw tlodi wedi ei lansio gan Dr Brian Gibbons, y Gweinidog dros Gyfiawnder Cymdeithasol a Llywodraeth Leol.
Friday 29 August 2008 Sioe Deithiol Uned Gyfranogaeth Achub Y Plant
Dros y tair wythnos nesaf bydd Uned Gyfranogaeth Achub y Plant ar daith gan ymweld â nifer o golegau o gwmpas Cymru.
Friday 1 August 2008 Dewch i gwrdd â Plwmpyn y gneuen ar faes yr Eisteddfod
Gobaith Plwmpyn y gneuen yw ysbrydoli rhai o’r 170,000 o ymwelwyr â’r Eisteddfod i ddysgu mwy am ymgyrch ddiweddaraf Achub y Plant sy’n ceiso atal 10 miliwn o blant rhag marw cyn iddynt gyrraedd eu pumed pen-blwydd.
Wednesday 16 July 2008 1 o bob 4 rhiant mewn tlodi yn methu fforddio gweithio
Datgela arolwg newydd gan Achub y Plant bod mwy nag un o bob 4 rhiant ar incwm isel wedi methu â chael swydd neu aros mewn gwaith oherwydd nad ydynt yn gallu fforddio talu am ofal plant.
Countries we’re working in

Learn more about the countries we are working in and the types of projects we are running by using the drop-down tool below: